Hay’adda Samafalka ah ee Danwadaag,oo Udxiyada/Qurbaani U qeybisay Qaxootiga Degan

( Stadiyo Muqdisho ) ee xamar

Hay’adda Danwadaag oo fadhigeedu yahay Magaalada Leicester, ayaa maanta dad aad u tiro baddan, oo degan xerada Qaxootiga ee ku taala agagaarka garoonka Stadiyo Muqdisho, ee magaalada Muqdisho, u qeybisay Hilbaha Udxiyada ee Munaasabadda ciidul Adxaaga. Wakiilka hay’adda ee Magaalada Muqdisho Maxamuud Timir ayaa inoo sheegay, in ay munaasabaddaasi ay ku dhacday jawi qurxoon oo aad iyo aad  u sareysa.

Waxaa munaasabaddaasi ka hadlay, Shiikh Maxamud xaaji iyo Shiikh Maxamed Amiin, oo labaduba ka waramay fadliga ay leedahay ciidan iyo xasanaadka ku soo ururay Udxiyada.

Udxiyadan/Qurbaanigan ayaa waxa la baxay oo ku sadaqeystay dadkaas, Jaaliyadda Soomaaliyeed ee ku kala nool magaalooyinka {Leicester, Birmingham iyo London}.

Hay’adda danwadaag iyadoo ka faa’ideysanaya fursadaas ayey u mahad celinayaa dhammaan dadkii ku tabarucay Udxiyadaas. Sidoo kalena waxey leedahay dhammaan ummadda Soomaaliyeed meel walboo ay joogaanba Ciid Mubaarak.

By: - Maamulka Danwadaag